बदललेल्या दिवसांची जाणीव

२ - ३ दिवसांपूर्वी ओजस ने बोलता बोलता त्याच्या १० मित्रांची नावे मोजली आणि शेवटी एकदम उत्साहात म्हणाला "बाबा, आता आमची क्रिकेट टीम होऊ शकते."

मी: अरे पण क्रिकेट च्या टीम मध्ये तर ११ जणं असतात. तुम्हाला एक कमी पडतोय तर मग मी येऊ का तुमच्या टीम मध्ये?

तो: (बराच विचार करून जाणीवपूर्वक काहीच उत्तर नाही... आणि विषय बदलायचा प्रयत्न देखील)

मी: काय झालं? सांग ना मी येऊ का तुमच्या टीममध्ये. आपण मस्त सगळ्या मॅचेस् जिंकू नं..

तो: (आता बळजबरी उत्तर द्यावच लागत आहे या अविर्भावात पण शांतपणे) नको..

मी: का? मला तर चांगलं खेळता येतं नं.

तो: (अगदी ठामपणे) पण नाही, बाबा. ही टीम (त्याच्या कल्पनेतली) फक्त मुलांची आहे.

#बदललेल्या_दिवसांची_जाणीव (best friend to father)